srakla - zäme

Ueli Tobler, 12. März 2023 www.wort-werker.ch

D Büüri, u dr Buur
läbe, vom Bode
vor Frucht, wo drus wachst
vom Vieh, wo druf weidet
O di Urbane, ohnis (?) z ahne
läbe, vom Bode
si ässe, u trinke
Tag, für Tag
choufe, im Lade
d Frücht, vom Bode
U o dr Bode, muess läbe
für dass alli, chöi läbe
Dr Bode, bruucht Liecht
u Wasser, u Luft
- Gabe, vo Gott
wo wett, dass mir zäme
mit Ehrfurcht, u Fröid
vor Frucht, vom Bode
chönni, läbe

Zäme, zu de Gottesgabe
luege, ufenander lose
scherft ds Wüsse, uds Gwüsse
dürchrüzt, bodelosi Zwäng
macht, bodeständigi
Kompromisse, müglech

DANK-, BUSS- und BETTAG

vom Blaser Werner - äm "Werner vom Land" us em Friburgische

Danken möchten wir für alles was wir haben
Auch wenn, uns nicht jedes, jederzeit mag behagen
Neuerungen uns bringen an Grenzen
Können wir gleichwohl auf Gott vertrauen

Bibel lesen und staunen
Uns an Gottes Wirken freuen
Sich bei Gott sicher fühlen
Sicherheit finden im Glauben

Beten, um innere Ruhe zu finden
Einander können zu vergeben
Täglich sich bewusst an Jesus Christus - wirken erinnern
Taten vollbringen, statt nur Worte auszusprechen
All das möge uns mit dem christlichen Glauben gelingen
Gott Dir sei Dank und Ehr, im Himmel und auf Erden

Zum Aerntedank  -  ein Gedichtgebet

vom  Blaser Werner  -  äm «Werner vom Land» us em Friburgische

För Schpyss u Trank
Häb Dank
Doch veeu`Mönsche
Hei z`Gfüeu met Monete
Liessech z`ganze Läbe
la choufe
Drwäge d`Ouge tüe öberloufe
Chönne z`danke
Cha ne enneri z`Fredeheit brenge
Dör das chas glenge
Vermehrt über die
Ganzi Schöpfig chönne
Z`Schtuune

Sech aus Teu drvo
Chönne i z`ordne
Ned materieui Wärte
Müesse z`horte
Das cha ds Härz verherte
Drför vermehrt dini Worte
Chönne z`verennerleche
Liebe Gott nem a mi Dank
De werdni wäge de
Materieue Wärte
Menger me chrank
Nem a mi Dank
Nem a mi Dank

                             Amen

Durfte nach dem Theater «Annas Afrika»
am 28. September 2013 entstehen
 

Worum be ni Buur 

vom  Blaser Werner  -  äm «Werner vom Land» us em Friburgische

Worum be ni no Buur fragt sich mänge
Z`Umfäud tuet üs bedrohlich iänge
Überau sött me länge u gnüege
Süsch tües si über eim verfüege

Mit em Label-Salat
Mache mer aubeneis fasch dr Spagat
Dr Schlachtkörper sött mit dr Maske überyschtimme
Sösch müesse mr Mastsöü drimme

Läbesmittu si für z`Läbe
Doch gä müesse mer se bau eis haub vrgäbe
Das cha doch nid Grächtikeit sy
Für ne rächte Lohn stö mr i

We me Obstböüm z`hert tuet z`rugg schnyde
Tüe si lyde oder vermehrt Wasserschos trybe
Die gägewärtigi Entwicklig müesse mer fasch so anäh
U z`Gfüeu ha es chönn nüt bessers gä

Mit em Papierchram aktualisiere
Heimr gly nüm Zyt üsne Tier z`flatiere
z`Gäud ma aubeneis ou fasch nid länge
doch probiere mr glichwou dr Chopf nid la z`hange

Aubeneis es Giufu cha ne Eufori uslöse
Doch länger duurend chas dr Gsundheit böse
Weme nüm Zyt het Steine ufzläse u Blacke z`stäche
Cha das dr Afang sy vomene seelische Gebräche

Aus sött grösser wärde
U die Chline drwäge stärbe
Doch im Bode tüe grad chlini Sache
E gueti Fruchtbarkeit usmache

Wider lehre vermehrt chönne z`stuune
Wüd vilych Gwössi abha gäng wytter müesse z`zuune
Bewusst barfuess überne früsche Acher z`loufe
Chönnt dr Mönschheit zu mehr Bodestänigkeit verhäufe

Uf dr Wäut isch es cho u nes gah
Teus cha me dr Momänt nid verstah
Glichwou dörfe mr Hoffnig u Zueversicht ha
De es steit für aui dr Liebgott obe dra